لو عملت كذا ماما هتحبك 😌
شوفوا برأيي الجمله دي بالنسبالي آثرها زي بالظبط العنف اللفظي أو الجسدي ضد الطفل chid abuse ❌❌❌
من أبشع الممارسات اللي ممكن تُمارس ضد الطفل هو الحب المشروط أو (التقدير المشروط )
هحبك لو عملت كذا
هحبك لو بقيت كذا
طيب ايهه ممكن يبقي آثر ده علي الطفل أو الإنسان عموما اللي اتعود يتقدم ليه حب مشروط
في دراسه علميه تمت عام 2004 في آثر تقديم الحب أو التقدير المشروط للاطفال من الوالدين لقت إن معظم اللي اعترضوا لحب مشروط علي مدار حياتهم من والديهم عانوا من نقص حاد في تقدير ذاتهم بما يسمي مشاعر خزي لاي ذنب وضغط داخلي قهري للانجاز وطبعا مشاعر سيئه تجاه والديهم
بالاضافه لدراسات تانيه كتيرة قالت إن الشخص اللي تتعرض للقبول غير المشروط ده غالبا بيعاني من مشاكل كتيرة زي اضطرابات القلق وبعض الاضطرابات النفسيه 😀 وكمان ليشعر إنه بلا قيمه
ودراسه تانيه قالت إن الشخص ده غالبا بيعاني طول عمره عدم وجود دوافع داخليه للنجاح أو إنجاز شئ ما بل سعره هيكون إرضائي علي أمل إنه يتلقي نفس الحب والتقدير ودا طبعا بيخليه يعيش في حاله احتراق داخلي فظيعه
ولو حد قرأ كتاب The Drama of the Gifted Child :
هيلاقيه بيشرح ازاي بيضطر الطفل “الموهوب” أو المطيع إلى التخلي عن ذاته الحقيقية وكبت مشاعره واحتياجاته من أجل إرضاء والديه والحفاظ على حبهم المشروط، ازاي بيمتد الأثر ده كصدمة في مرحلة البلوغ.
كتاب “Hold On to Your Kids” للدكتور Gordon Neufeld والدكتور Gabor Maté
أو تمسك بأطفالك الكتاب موجود في عصير الكتب
الأهمية: يركز على مفهوم “الارتباط” (Attachment). بيشرح فيه الكتاب ازاي إن حاجة الطفل للأمان والقبول غير المشروط من الوالدين هي حاجة بيولوجية، ولو حي الطفل إن هذا القبول مهدد (مشروط)، فإنه يتجه عاطفياً ناحيه اقرانه ويكونوا اقرب ليه من والديه
أو يطور اليات دفاعية نفسية قاسية لحماية نفسه من ألم الرفض.
ممكن هو اللي يإذي غيرة حمايه لنفسه
شفت لقاء لمغني بجد أحزنني جدا كان بيتكلم إن كلمته مبتحبش حد في فيهم أو اقرب حد ليها هو ابنها الدكتور 😀 وإن طول حياته كان فاشل ودلوقتي بيسعي للنجاح حتي لو الاتجاه غلط أملا إن هو كمان ينال من الحب ده والتقدير ده (أنه غني ومشهور دلوقتي)
كتير من الأمهات بتفهم تقديم الحب غير المشروط لأطفالها كنوع من التسبب أو عدم الحزم في التربية ولكن يا أمهاتي الاعزاء
الحزم بعيد كل البعد عن هذا المفهوم
دايما بقول لابني أنا بحبك يا زين وانت عارف كده صح لكن
اجابتي علي طلبك هي لا. احيانا يفهمه سبب الرفض أو المنع واحيانا لا ربنا لسه مش هيقدر يفهم خاصه لو قوانين خاصه بالبيت وانا بشوف إني من حقهم يفهموا وماما أو بابا بردوا هم اللي ماسكين الدفه وزمام الأمور
في النهايه ولادنا نعمه كبيرة من ربنا هنحاسب عليها تقديم الحب والقبول غير المشروط فرض عليا ،اتقبل قدراتهم وادفعهم السعي والتعلم والاجتهاد فقط وفي النهايه النتيجه سواء نجاح أو فشل فهم ولادي اللي بحبهم مهما حصل دون شرط
دايما بفكر نفسي ولادي مش جايين الدنيا يحققوا احلامي 😀
نجحت بحبك
فشلت بحبك
درجاتك مرتفعه ،او درجاتك منخفضه هفضل أحبك
اسأت التصرف هقومك بس أنا لسه بحبك وهفضل أحبك ودا عمره ما هيتغير
واهو تفتكروا إن ده معناه إن ولادنا مش هيبرونا ويفكروا ازاي يسعدونا 😀
#ماما_نغم
#تربيةايجابية
