بقلم أم من أمهات مجتمع ماما نغم ✍🏼
ازاي ساعدت بنتي بدأت تقول كلمات بفضل الله من عمر سنه و شهر الجزء الثاني
النهارده بيسان تمت سنه و ٣ شهور و دلوقتي بدأ مخنا يشتغل و يربط المعاني و الأفعال بالكلمات و دي اهم نقطه بنشتغل عليها من و هم عمرهم يوم طيب ليه ده مهم ؟
دي من أهم الحاجات عشان يقدروا يعبروا عن نفسهم و الصريخ ينتهي واحده واحده و نوبات الغضب تقل
ازاي بنشتغل عليها ؟
هحكيلكم امثلة ع طول من زمان وانا بشرح اي فعل انا هعمله قبل ما اعمله و ببطئ لبيسان و هي بتبقي عامله كده 😯
مثال انا هروح اتوضي عشان أصلي
يلا نصلي
هناكل يلا نجيب الكرسي
هنجيب المخده بتاعت الرضاعه دلوقتي بقت تروح تجيب المخده عشان ترضع
و بالتالي من وهي ٨ شهور بقول هتاخد الدوا تفتح بقها
دلوقتي هناكل تشد كرسي الاكل عايزه تستحمي بتقول حما و تجيب البانيو و الكور بتوعها
اول ما اقول هتوضي او البس اسدال الصلاه تعمل بأيدها حركه الصلاه كانها هتقرا الفاتحه
بقينا نقول ده غلط تفهم او نديها اوامر ودي دي لتيته هاتي الكوتشي هاتي المياه خدي يلا نقلع بتقلع نفسها اللي تعرف تقلعه او يلا نلبس بتحاول تلبس و هكذا
وان احنا الحاجات اللي اسمها صعب ممكن هي تسميهم بجزء من حروف اسمها و انا اكون فهماه زي مثلا تقولي بيبي ففاهمه انها عايزه اغنيه بيبي شارك او نونو فافهم عايزه اغنيه نونو يا نونو
و اللي ساعدنا اوي اوي اوي كمان ع الجزء ده هو الكتب
انا في اول مره جبت ليها كتب كان من معرض الكتاب جبت كتب كتير عشوائي و مكنتش فاهمه هي هتستجيب لأيه و هتحب ايه ؟
بعد ممارسه استوعبت حبت ايه و بعد كده اتعرفت
ع Angham Mohamed Nagham Bookstore
وهي كانت منقذي مع بيسان لأني مبقتش اضطر استني
معرض الكتاب او اجيب الكتب غاليه و يتضحك عليا و بمجرد ما عرفت عمر الطفل بترشح بجد ايه اللي هينفعه
خلاصة تجربة الكتب معانا
الكتب القماش مكانتش حلوه الا اول ٤ شهور بس بعد كده بيسان مبقتش مهتمه بيها ولكن فيه أطفال بتحبها اوي بردو عادي فجربوها هي كده كده رخيصه وعند نغم بردو
الكتب الورق العاديه اوعوا تشتروها اول سنه ونص او سنتين كمان عشان هتتفتفت الا لو ابنك اقتنع ميقطعهاش😂😂
من الكتب السكر اللي جربتها من نغم أوي هو ال bath book عشان بيسان مدمنة حمااااا بنستحمي في اليوم ١٥ مره 😂😂 وده كتاب ابيض و اسود ومشمع لما بيتبل بيبقي الوان و انا اللي بنبهر بيه بجد كل مره رغم اننا لسه جايبينه و بيسان بتاخده و تجري ع الحمام عايزه تبله و تشوفه بيتلون
خصوصا ان فيه حيوانات وهي بتحبهم و بتحب تقلد صوتهم
طيب ايه شغالين ع ايه كمان من سنه و شهر شغاله معاها من غير كتب علي المشاعر الالوان الاشكال الهندسية
و بكتب من ٦ شهور اشتغلنا علي الحيوانات و الطيور و اعضاء الجسم
و دلوقتي جبنا من نغم كتب المشاعر و الاشكال الهندسية و الالوان
و عرفت بعض الالوان و الاشكال لما نسال فين كذا تشاور
كل الكتب دي بقي تجيبوها ايه ؟
تجيبوها هارد دي اهم نقطه عشان تستحمل الشقلبه و الحدف وكل الحوارات دي لان في الاول الاطفال مش بتبقي فاهمه كونسبت انها تقعد و تبص و تسمع لحد ما يتعودوا مع الفرك بردو عادي جدا
كمان فيه الدباديب بتاعت المسرح و بتاعت الصوابع في قراءه القصص من عندها بردو مش بستغني عنهم
القصص حاليا بيسان لسه بدأه تستوعبها و بتحكيلي هي و ده ابهرني لقيتها بتقولي نونه ننه نونه حما و بتشاور ع القصص و انا كنت فعلا بشك انها فهماني و لكن طلعت فاهمه و بتشرحها كمان اللهم بارك 😂❤️
طيب لو مبدأتيش قبل كده تعملي ايه ؟
ابدأي دلوقتي بفضل الله ثم الوقت اللي بنقضيه كل يوم نقرأ بيسان قادرة تطلب اللي هي عايزاه مياه و لا اكل ولا انهي اغنيه او تستحمي او ننام ننه و غيره وده مريح ليا كأم ومريح ليها كطفله انها منطلقة و مش مخنوقه او مكبوته و مش عارفه تعبر
طبعا ده كله ميمنعش انها طفله عادي بتدخل ساعات في نوبات غضب و تصرخ و تعيط و ترمي كل حاجه ومش مثاليه خالص هي طفله بتطلع عيني عادي جدا ولكن احنا مدركين عمرها و مدركين التحديات اللي بنقابلها و بنحاول نتعامل معاها
هسيبلكم بعض الكتب التحفه اللي جيباها من نغم واللي هي بجد كنز و عندها كل حاجه و بتعمل عروض كل يوم الساعه ٨ وممكن تقوللها سن طفلك و هي بترشحلك المناسب و ع فكره في الاستشارات التربويه برشح جروبها للأمهات تاخد من عليه معلومات تربوية و ان
شطه لإنها دارسة تربية إيجابية و فاهمه سلوك الطفل
#إسراءالقط